അദ്ദിക്ർ

മനമില്ലാമനസ്സോടെ ബുദ്ധിമുട്ടി ദാനധര്‍മ്മങ്ങള്‍ ചെയ്യണമെന്ന് അല്ലാഹുവിന് ഒരു ആവശ്യവുമില്ല. ആരെങ്കിലും നന്ദി പ്രകടിപ്പിക്കുന്നുണ്ടെങ്കില്‍ അത് അവനുവേണ്ടിത്തന്നെയാണ്, ആരെങ്കിലും നിഷേധിക്കുകയാണെങ്കില്‍ അപ്പോള്‍ നിശ്ചയം അല്ലാഹു ഐശ്വര്യവാനായ സ്വയം സ്തുത്യര്‍ഹനാണ് എന്ന് 31: 12 ലും; ധനത്തില്‍ നിന്ന് അടുത്തവര്‍ക്കും അഗതികള്‍ക്കും വഴിയാത്രക്കാര്‍ക്കും അവരുടെ വിഹിതം നല്‍കണമെന്നും എന്നാല്‍ അത്തരക്കാര്‍ക്ക് നല്‍കാനുള്ള പണം തല്‍ക്കാലം കയ്യിലില്ലെങ്കില്‍ അവരോട് നല്ല വാക്കുകള്‍ പറയണമെന്നും പണം ലഭിക്കുമ്പോള്‍ നല്‍കാന്‍ ശ്രദ്ധിക്കണമെന്നും 17: 26-28 സൂക്തങ്ങളിലും പറഞ്ഞിട്ടുണ്ട്. ചുരുക്കത്തില്‍, അല്ലാഹുവാണ് എല്ലാ അനുഗ്രഹങ്ങളുടെയും ദാതാവെന്നും കൊടുക്കുന്നവന്‍റെ സ്ഥാനത്തുനിന്ന് വാങ്ങുന്നവന്‍റെ സ്ഥാനത്തേക്ക് മാറ്റാന്‍ അല്ലാഹുവിന് സാധിക്കുമെന്നുമുള്ള ചിന്തയില്‍ പ്രാര്‍ത്ഥനയോടുകൂടിയും അല്ലാഹ് എന്ന സ്മരണയോടുകൂടിയുമായിരിക്കണം വിശ്വാസി പെരുമാറേണ്ടത്. 2: 174-175; 107: 6-7 വിശദീകരണം നോക്കുക.